کراچی (رم نیوز)کراچی کے علاقے قیوم آباد چورنگی کے قریب ایک مسافر کوچ الٹ گئی، جس کے نتیجے میں متعدد افراد زخمی ہو گئے۔ حادثہ اس وقت پیش آیا جب کوچ کا ڈرائیور دوسری کوچ کے ساتھ ریس کرتے ہوئے گاڑی کا کنٹرول کھو بیٹھا۔

رپورٹس کے مطابق، حادثے کے باعث سڑک پر ٹریفک کی روانی متاثر ہو گئی، اور کوچ کو سڑک سے ہٹانے کے لیے فوری طور پر مشینری طلب کی گئی۔اسی دوران، کراچی میں پولیس مقابلوں کے دوران 8 ملزمان کو گرفتار کر لیا گیا، جن سے اسلحہ، چوری شدہ موٹر سائیکلیں، موبائل فون اور نقدی برآمد کی گئی۔