اسلام آباد(رم نیوز )سسینیٹ میں سوشل میڈیا (صارفین کی عمر کی حد) بل 2025 پیش کیا گیا ہے، جس میں 16 سال سے کم عمر افراد کے لیے سوشل میڈیا اکاؤنٹس بنانے پر پابندی عائد کرنے کی سفارش شامل ہے۔چیئرمین سینیٹ سید یوسف رضا گیلانی کی زیرصدارت اجلاس میں سینیٹر سرمد علی اور مسرور احسن نے بل پیش کیا، جس میں سوشل میڈیا کمپنیوں پر نابالغ صارفین کے اکاؤنٹس بلاک کرنے کی قانونی ذمہ داری عائد کی گئی ہے۔

بل کے تحت نابالغوں کو سوشل میڈیا تک رسائی دینے والے کو 6 ماہ تک قید اور جرمانہ ہوسکتا ہے، جبکہ پلیٹ فارمز پر 50 ہزار سے 50 لاکھ روپے تک جرمانہ بھی عائد کیا جائے گا۔پاکستان ٹیلی کمیونیکیشن اتھارٹی (پی ٹی اے) کو نابالغوں کے موجودہ اکاؤنٹس بند کرنے اور قواعد و ضوابط بنانے کا اختیار دیا جائے گا۔بل کا مقصد بچوں کو نقصان پہنچانے والے مواد سے بچانا اور ڈیجیٹل شعور دینا ہے۔یہ قانون آسٹریلیا اور نیوزی لینڈ کی پالیسیوں کے مطابق تیار کیا گیا ہے۔