اسلام آباد(رم نیوز) انسداد دہشت گردی عدالت نے 26 نومبر اور سپریم کورٹ کے باہر احتجاج سے متعلق مقدمات میں پاکستان تحریک انصاف کے رہنماؤں کی عبوری ضمانت میں 8 ستمبر تک توسیع کر دی ہے۔اے ٹی سی کے ڈیوٹی جج طاہر عباس سپرا نے 230 سے زائد ضمانت قبل از گرفتاری درخواستوں پر سماعت کی۔ بیرسٹر گوہر، زرتاج گل، عمیر نیازی اور لطیف کھوسہ عدالت میں پیش ہوئے، تاہم دلائل نہ دیے جا سکے۔

عدالت نے بشریٰ بی بی، سلمان اکرم راجہ، شیر افضل مروت، عمر ایوب اور شبلی فراز کی حاضری سے استثنیٰ کی درخواستیں منظور کر لیں۔پی ٹی آئی رہنماؤں کے خلاف تھانہ مارگلہ، رمنا، کوہسار اور دیگر تھانوں میں احتجاج اور بدامنی سے متعلق 19 مقدمات درج ہیں۔