راولپڈی(رم نیوز)پاک فوج کے ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ مٹھی بھر دہشتگرد بلوچستان سمیت پورے پاکستان کی ترقی اور خوشحالی کے راستے میں رکاوٹ نہیں بن سکتے۔

انہوں نے کنگ ایڈورڈ میڈیکل یونیورسٹی کا دورہ کیا جہاں طلبا و انتظامیہ نے پرتپاک استقبال کیا۔ اس موقع پر ڈی جی آئی ایس پی آر نے آپریشن بنیان مرصوص کی کامیابی پر روشنی ڈالتے ہوئے کہا کہ عوام خصوصاً نوجوانوں کی حمایت سے فتح ممکن ہوئی۔

لیفٹیننٹ جنرل احمد شریف چوہدری نے کہا کہ کشمیر پاکستان کی شہ رگ ہے اور ہمیشہ رہے گا، جبکہ بلوچ عوام پاکستان سے مذہب، ثقافت اور روایت کے رشتوں میں بندھے ہوئے ہیں۔آئی ایس پی آر کے مطابق طلبا و طالبات نے آپریشن کی کامیابی پر پاک فوج کو خراج تحسین پیش کیا اور مزید انٹریکٹیو سیشنز کی خواہش کا اظہار کیا۔