لاہور (رم نیوز)لاہور کی عدالت نے بانی پاکستان تحریک انصاف (پی ٹی آئی) عمران خان کے خلاف اسلام آباد پولیس پر حملے کے مقدمے میں سینئر رہنما شبلی فراز کے ناقابل ضمانت وارنٹ گرفتاری جاری کر دیے ہیں۔یہ مقدمہ تھانہ ریس کورس پولیس نے درج کیا تھا جس کی سماعت جوڈیشل مجسٹریٹ سہیل رفیق نے لاہور کینٹ کچہری میں کی۔ عدالت نے شبلی فراز کے ناقابل ضمانت وارنٹ گرفتاری کے علاوہ عمران خان کو بھی سمن جاری کیے ہیں، جو اس وقت جیل میں قید ہیں، اس لیے سمن انہیں جیل روبکار کے ذریعے بھیجے گئے ہیں۔

عدالت نے مقدمے کی آئندہ سماعت 30 جولائی کو مقرر کی ہے۔واضح رہے کہ یہ مقدمہ عمران خان کی رہائش گاہ کے باہر اسلام آباد پولیس پر حملے کے واقعے کے سلسلے میں درج کیا گیا ہے۔