لاہور (رم نیوز)محکمہ موسمیات نے پیش گوئی کی ہے کہ آئندہ چند روز میں اسلام آباد، پنجاب، خیبرپختونخوا، بلوچستان اور کشمیر میں مزید بارشیں ہوں گی۔راولپنڈی، لاہور، سیالکوٹ، گجرات، ننکانہ صاحب، فیصل آباد، میانوالی اور ملتان میں گرج چمک کے ساتھ بارش کی توقع ہے۔ پشاور، سوات، چترال، ہری پور، صوابی، کوہاٹ اور لکی مروت میں بھی بارش کا امکان برقرار ہے۔

سندھ کے بیشتر علاقوں میں موسم گرم اور خشک رہنے کا امکان ہے، تاہم تھرپارکر، عمرکوٹ اور ساحلی علاقوں میں شام کے وقت بارش متوقع ہے۔دیر، سوات، شانگلہ، مانسہرہ، کوہستان، ایبٹ آباد، کرک اور ہنگو میں ندی نالوں میں طغیانی کا خدشہ برقرار ہے، جب کہ کشمیر، مری اور گلیات میں لینڈ سلائیڈنگ کا خطرہ موجود ہے۔محکمہ موسمیات نے شہریوں کو انتباہ کیا ہے کہ بارشوں اور ممکنہ قدرتی آفات سے محتاط رہیں اور حفاظتی اقدامات اختیار کریں۔