لاہور (رم نیوز) میاں اظہر کے انتقال کے باعث خالی ہونے والی قومی اسمبلی کی نشست این اے-129 لاہور پر ضمنی انتخاب 18 ستمبر کو منعقد کیا جائے گا۔ الیکشن کمیشن نے انتخابی شیڈول جاری کر دیا ہے۔امیدواروں کے کاغذات نامزدگی 4 سے 6 اگست تک جمع کروائے جائیں گے۔ ابتدائی فہرست 7 اگست کو جاری ہوگی جبکہ کاغذات کی جانچ پڑتال 11 اگست تک مکمل کی جائے گی۔ جمع کاغذات پر اپیلیں 16 اگست تک دائر کی جا سکیں گی اور فیصلے 20 اگست کو کیے جائیں گے۔

حتمی امیدواروں کی فہرست 23 اگست کو جاری ہوگی اور کاغذات واپس لینے کی آخری تاریخ 25 اگست مقرر ہے۔ انتخابی نشان 26 اگست کو الاٹ کیے جائیں گے۔پولنگ کا عمل صبح 8 بجے سے شام 5 بجے تک جاری رہے گا۔ مسلم لیگ ن کے خواجہ سعد رفیق نے ضمنی انتخاب میں حصہ لینے سے معذرت کر لی ہے۔