کراچی (رم نیوز)کراچی میں آج مطلع ابر آلود رہا جس کے باعث موسم خوشگوار ہو گیا ہے۔ محکمہ موسمیات نے مختلف علاقوں میں ہلکی بوندا باندی کی پیشگوئی کی ہے۔کراچی میں سمندری ہوائیں جنوب مغرب کی سمت سے 24 کلومیٹر فی گھنٹہ کی رفتار سے چل رہی ہیں جبکہ ہوا میں نمی کا تناسب 74 فیصد ہے۔ شہر میں کم سے کم درجہ حرارت 27.9 اور موجودہ درجہ حرارت 29 ڈگری سینٹی گریڈ ریکارڈ کیا گیا ہے۔ دن کے دوران درجہ حرارت 31 سے 33 ڈگری سینٹی گریڈ تک جانے کا امکان ہے۔

محکمہ موسمیات نے آئندہ 24 گھنٹوں کے دوران بھی ابر آلود موسم اور بوندا باندی کی پیشگوئی کی ہے۔ شہریوں کو ہدایت کی گئی ہے کہ وہ موسم کی تبدیلی پر نظر رکھیں۔