کراچی (رم نیوز)حریت رہنما یاسین ملک کی اہلیہ مشعال ملک نے کہا ہے کہ 5 اگست 2019 کشمیری عوام کی جدوجہد میں ایک تاریک اور یادگار دن ہے۔مزار قائد پر میڈیا سے گفتگو کرتے ہوئے مشعال ملک نے کہا کہ قائداعظم نے کشمیر کو پاکستان کی شہ رگ قرار دیا اور اپنی زندگی پاکستان کی آزادی کے لیے وقف کی۔ انہوں نے کہا کہ آج کشمیری آزادی کی قیمت کو بخوبی سمجھ چکے ہیں۔

مشعال ملک نے بھارت پر پاکستان میں دہشت گردی کی کارروائیوں میں ملوث ہونے اور را نیٹ ورک کے فعال ہونے کا الزام عائد کیا۔ انہوں نے کہا کہ بھارت نے جنگ میں شہری آبادی کو نشانہ بنایا اور پہلگام فالز فلیگ آپریشن کے الزام کے ذریعے جنگ چھیڑی۔