اسلام آباد(رم نیوز) وزیراعظم شہباز شریف نے میجر طفیل محمد شہید (نشانِ حیدر) کے 67 ویں یومِ شہادت پر اپنے بیان میں کہا کہ قوم ان کی بے مثال بہادری اور قربانی کو سلام پیش کرتی ہے۔وزیراعظم نے کہا کہ میجر طفیل شہید نے مادرِ وطن کے دفاع میں دشمن کے خلاف جرأت اور دلیری سے لڑتے ہوئے جان کا نذرانہ پیش کیا۔ پاکستان اپنے ان عظیم سپوتوں پر فخر کرتا ہے جنہوں نے ملک کی خودمختاری اور سلامتی کے لیے اپنی جانیں قربان کیں۔انہوں نے کہا کہ قوم اپنے شہداء کی قربانیوں کو کبھی فراموش نہیں کرے گی، اور ان کے مشن کو ہمیشہ جاری رکھا جائے گا۔ ہمیں اپنی بہادر افواج پر فخر ہے جو ہر محاذ پر وطن کا دفاع کر رہی ہیں۔