لاہور(رم نیوز)اے ٹی سی لاہور نے 9 مئی کے مقدمات میں شاہ محمود قریشی کو رہا کرنے کا حکم دیا ہے۔عدالت نے 9 مئی کے دو مقدمات راحت بیکری اور تھانہ شادمان جلاؤ گھیراؤ کیس میں رہائی کا مراسلہ سپریٹنڈنٹ جیل کو جاری کر دیا ہے۔عدالتی مراسلے میں ہدایت کی گئی ہے کہ اگر شاہ محمود قریشی کسی اور مقدمے میں مطلوب نہیں، تو فوری طور پر رہا کیا جائے۔یہ فیصلہ انسداد دہشت گردی عدالت کے جج منظر علی گل نے جاری کیا۔