اسلام آباد (رم نیوز)پاکستان کے 78ویں یومِ آزادی کے موقع پر پاکستان مونومنٹ اسلام آباد میں پرچم کشائی کی پروقار تقریب منعقد ہوئی، جس میں وزیراعظم شہباز شریف نے قومی پرچم لہرایا۔

تقریب میں وفاقی وزراء، اعلیٰ حکام اور اسکولوں کے بچوں کی بڑی تعداد شریک ہوئی۔ ثقافتی لباس میں ملبوس ننھے بچوں نے وزیراعظم کو خوش آمدید کہا اور پھول پیش کیے۔

ملی جوش و جذبے سے بھرپور ماحول میں قومی ترانہ پڑھا گیا، جبکہ وزیراعظم نے ملک کی سلامتی، ترقی اور خوشحالی کے لیے خصوصی دعا کی۔ اس موقع پر وزیراعظم شہباز شریف نے یادگارِ پاکستان پر پھول بھی رکھے۔