لاہور(رم نیوز)سپیشل سینٹرل عدالت لاہور نے منی لانڈرنگ کیس میں سابق وزیراعلیٰ پنجاب چودھری پرویز الہٰی کی ایک روزہ حاضری معافی کی درخواست مسترد کرتے ہوئے ان کے قابل ضمانت وارنٹ گرفتاری جاری کر دیے۔عدالت میں سماعت کے دوران پرویز الہٰی کے وکیل نے مؤقف اختیار کیا کہ ان کے مؤکل بیمار ہیں اور ڈاکٹرز نے مکمل آرام کا مشورہ دیا ہے، اس لیے ایک دن کی حاضری سے استثنیٰ دیا جائے۔

جج محمد عارف خان نیازی نے درخواست مسترد کرتے ہوئے 10 ہزار روپے کے ضمانتی مچلکوں کے عوض وارنٹ گرفتاری جاری کرنے کا حکم دے دیا۔یاد رہے کہ ایف آئی اے نے پرویز الہٰی اور دیگر کے خلاف منی لانڈرنگ کیس میں نامکمل چالان عدالت میں جمع کروا رکھا ہے۔