مری (رم نیوز )ملکہ کوہسار مری میں جاری شدید بارشوں کے باعث 19 اور 20 اگست (منگل اور بدھ) کو تمام تعلیمی ادارے بند رکھنے کا فیصلہ کیا گیا ہے۔سی ای او ڈسٹرکٹ ایجوکیشن اتھارٹی مری کے مطابق بارشوں کے باعث طلبہ کی حفاظت کے پیش نظر سکول بند کیے جا رہے ہیں۔

شدید بارشوں سے ندی نالے بپھر گئے ہیں، جبکہ کہوٹہ، جی پی او چوک اور مال روڈ پر پانی جمع ہونے سے آمدورفت متاثر ہے۔ گلیات میں لینڈ سلائیڈنگ کے باعث مری-ایبٹ آباد شاہراہ بند ہو چکی ہے۔انتظامیہ نے کلاؤڈ برسٹ کے خدشے کے پیش نظر شہریوں اور سیاحوں کو ندی نالوں سے دور رہنے کی ہدایت جاری کر دی ہے۔

ڈپٹی کمشنر مری کا کہنا ہے کہ آئندہ 24 سے 48 گھنٹوں کے دوران مزید شدید بارشوں کا امکان ہے، جس سے نشیبی علاقوں میں پانی بھرنے اور بونیر میں رابطہ پلوں کے بہہ جانے کا خدشہ ہے۔