جدہ(رم نیوز)غزہ کے بحران پر اسلامی تعاون تنظیم (او آئی سی) کے وزرائے خارجہ کا اجلاس جدہ میں ہوا، جہاں سعودی وزیر خارجہ نے خطاب کرتے ہوئے کہا کہ غزہ میں فوری جنگ بندی کی جائے اور انسانی امداد کی بروقت اور بلاتعطل رسائی یقینی بنائی جائے۔

ان کا کہنا تھا کہ مغربی کنارے میں یہودی بستیوں کا قیام ناقابل قبول ہے اور آزاد فلسطینی ریاست کا قیام انتہائی ضروری ہے۔ترک وزیر خارجہ نے اجلاس میں کہا کہ غزہ پر اسرائیلی حملے جاری ہیں اور قبضے کی کوششیں ناقابل قبول ہیں۔ انہوں نے کہا کہ ہمیں دو ریاستی حل کی امید ہے۔