کراچی(رم نیوز)پاکستان سٹاک مارکیٹ میں مثبت رجحان برقرار ہے اور کاروباری ہفتے کے پہلے روز سٹاک ایکسچینج میں زبردست تیزی دیکھنے میں آئی۔ کاروبار کے آغاز پر سرمایہ کاروں کی بھرپور دلچسپی کے باعث ہنڈرڈ انڈیکس 900 سے زائد پوائنٹس اضافے کے ساتھ ایک لاکھ 70 ہزار 889 پوائنٹس کی سطح پر پہنچ گیا۔یاد رہے کہ گزشتہ کاروباری روز کے اختتام پر ہنڈرڈ انڈیکس 1289 پوائنٹس کے اضافے کے ساتھ ایک لاکھ 69 ہزار 864 پوائنٹس پر بند ہوا تھا، جس کے بعد موجودہ تیزی مارکیٹ میں سرمایہ کاروں کے اعتماد کی عکاسی کرتی ہے۔